#menntaspjall um draumaskólann (17.janúar 2016)
Áhugafólk hvaðanæva af landinu sem og utan landsteinanna, hafa nýtt annan hvern sunnudag til þess að ræða menntamál á örbloggvefnum Twitter undir umræðumerkinu #menntaspjall (Hægt er að læra á #menntaspjall á 5 mínútum hér).
Í fyrsta #menntaspjalli ársins 2016 verður rætt um draumaskólann.
Hvaða skóli og námsskipuag hentar best til að takast á við áskoranir nútímans og framtíðarinnar? Hvaða áherslur vilja þátttakendur sjá í skólaþróun á næstu árum?
Verið með í #menntaspjalli og látið skoðun ykkar í ljós. Við hvetjum þá sem vanir eru þátttöku í #menntaspjalli til að hvetja nýliða til virkrar þátttöku. Hvernig væri að bjóða nokkrum vinnufélögum heim í morgunkaffi og sitja saman yfir #menntaspjalli?
Spurningarnar sem lagðar verða til grundvallar spjallinu verða:
1. Ef þú værir að byggja nýja skólabyggingu, hvað þyrfti að vera þar?
2. Hvernig er skólalóðin skipulögð?
3. Hvernig er tæknilegi veruleikinn/innviði í draumaskólanum?
4. Hvernig er draumaskólanum stjórnað?
5. Hvernig er vinnuumhverfi starfsfólks í draumaskólanum?
—-ef tími gefst til:
6. Á draumi hvers byggir draumaskólinn?
Skjáumst á sunnudaginn kl.11.00
Tryggvi og Ingvi Hrannar
