#menntaspjall um #menntaspjall (13.des. 2015)
Áhugafólk hvaðanæva af landinu sem og utan landsteinanna, hafa nýtt annan hvern sunnudag til þess að ræða menntamál á örbloggvefnum Twitter undir umræðumerkinu #menntaspjall (Hægt er að læra á #menntaspjall á 5 mínútum hér).
Í #menntaspjalli sunnudaginn, 13. desember, verður síðasta #menntaspjall ársins og hefur #menntaspjallið þá verið í gangi í tvö ár. Þá viljum við stjórnendur fá þátttakendur með okkur í að líta yfir farinn veg og ræða hvað hefur áunnist og hver næstu skrefin ættu að vera.
Spurningarnar sem lagðar verða til grundvallar eru:
1. Hvað getum við gert til að #menntaspjall nýtist best fyrir starfsþróun kennara?
2. Hvað getum við gert til að auka þátttöku kennara í #menntaspjalli?
3. Hverjir eru áhugaverðustu tístararnir sem við ættum að reyna að vekja athygli á í #menntaspjalli?
4. Hvernig hefur #menntaspjallið nýst þér í starfi?
5. Hvað eru góðar hugmyndir fyrir umræðuefni í #menntaspjalli á næsta ári?
Skjáumst á sunnudaginn kl.11.00
Tryggvi og Ingvi Hrannar
