#menntaspjall um Samfélagsmiðla í námi og kennslu 04.05.14
Næsta sunnudag, 4. maí, verður #menntaspjall um notkun samfélagsmiðla (e.Social media) í námi og kennslu. Samfélagsmiðlar eru margskonar og óíkir, allt frá Facebook til Titanpad og veltir skólafólk fyrir sér hvernig þá megi nýta í námi og kennslu. Á sunnudaginn munum við spjalla um möguleika, kosti og galla þeirra í skólastarfi.
Áhugafólk hvaðanæva af landinu sem og utan landsteinanna, hafa nýtt sér að hittast annan hvern sunnudag og ætlunin er að halda því áfram á örbloggvefnum Twitter og vonumst við eftir að sjá enn fleiri núna á sunnudaginn klukkan 11.00 undir umræðumerkinu #menntaspjall (Hægt er að læra á #menntaspjall á 5 mínútum hér)
Gestastjórnandi #menntaspjall eru að þessu sinni Svava Pétursdóttir (@SvavaP), verkefnastjóri Náttúrutorgs og nýdoktor við Menntavísindsvið. Svava sótti þjálfun á vegum Pestalozziáætlunarinnar um notkun samfélagsmiðla til lýðræðisþátttöku síðasta vetur, síðan hefur hún rætt við og unnið með kennarahópum sem áhuga hafa haft á miðlunum í skólastarfi.
Við höfum birt spurningar með dags fyrirvara til þess að hvetja þátttakendur til að lesa í gegnum spurningarnar og undirbúa jafnvel svörin svo þeir fái meira tíma í að lesa, skoða og svara því sem aðrir segja.
Spurningarnar verða:
- Hvernig skilur þú orðið samfélagsmiðill?
- Hvernig nýtir þú samfélagsmiðla í eigin þekkingarleit og símenntun?
- Hvernig má nota mismunandi samfélagsmiðla með nemendum til náms og samskipta? Hvernig eruð þið að nýta þá í kennslu?
- Miðlun skólastarfsins útávið, samskipti við foreldra og samfélagið, hverjir eru möguleikarnir?
- Skil á milli einkalífs og vinnu á samfélagsmiðlum, hver er ykkar upplifun?
Ef tími vinnst til:
- Hvaða umræða hefur átt sér stað í þínum skóla eða hvaða viðmið hafa verið sett varðandi samfélagmiðla, öryggi, persónuvernd, miðlun mynda og vinnu nemenda?
- Hvaða kosti eða galla sjáið þið þegar bornir eru saman almennir samfélagsmiðlar (t.d. Facebook, Twitter, Pintrest) og sérhönnuð námumsjónarkerfi (t.d. Moodle)?
Skjáumst á Sunnudaginn 4.maí klukkan 11.00 á Twitter.
Ingvi Hrannar, Tryggvi Thayer og Svava
