#menntaspjall um umræðuhefti KÍ um menntamál (23.okt.2016)
Í byrjun þessa árs gaf KÍ út umræðuhefti um menntamál til að styðja við faglega umræðu skólafólks um menntun og velferð barna og ungmenna og íslenskt menntakerfi en tilefnið er stefna í menntamálum eins og hún birtist í hvítbók og aðgerðum í kjölfar hennar:
Umræðuheftið má finna hér
Í #menntaspjalli á sunnudaginn 23.október kl.11-12 ætlum við að ræða innihald heftisins og leitast við að svara nokkrum spurningum í kjölfarið.
Spurningarnar sem lagðar verða til grundvallar verða:
1. Á hvaða vegferð erum við í menntamálum?
2. Er hvítbókin til framdráttar menntun, velferð og skólastarfi?
3. Í hvaða átt þarf íslenskt menntakerfi að þróast og hvernig?
4. Hvert er hlutverk skólafólks í þróun menntakerfisins og menntamála? – Hvernig?
5. Hvernig má auka ábyrgð foreldra á námi barna sinna?
Gestastjórnendur verða Ingileif Ástvaldsdóttir skólastjóri í Hörgársveit og Aðalheiður Steingrímsdóttir, varaformaður KÍ.
Skjáumst á sunnudaginn kl.11.00 en þangað til hvetjum við ykkur til þess að skoða umræðuheftið.
Ingvi Hrannar, Ingileif og Aðalheiður
